كلمات اغنية الغربة والعشق الگادي

كلمات اغنية الغربة والعشق الگادي محمد الغاوي

كي ندير نقاوم هادي،
كي ندير نصارع هاديك واش ندير
حيرتين و العمر غادي حيرتين
ولعتين و كاتمهم فيك واش ندير
الغربة والعشق الكادي، ويا قلبي تحاماو عليك
حيرتي نرجع لبلادي، ريحها دوا و يداوي
كي ندير نقاوم هادي،
كي ندير نصارع هاديك واش ندير
حيرتين و العمر غادي حيرتين
ولعتين و كاتمهم فيك واش ندير
الغربة معروف امرها ، الغربة نار قوية
نار قوية تحرق الاغصان
تحط فالقليب جمرها ،
لا شفقة بدون احساس نار قوية
كبر صبرك ما يقصرها
و جري تخوي بيك الطرقان
كتقهر و من يقهرها ولهلا يبلي بيها انسان
حيرتي نرجع لبلادي، ريحها دوا و يداوي
كي ندير نقاوم هادي،
كي ندير نصارع هاديك واش ندير
حيرتين و العمر غادي حيرتين
ولعتين و كاتمهم فيك واش ندير
الغربة و العشق ا ناري زوج حمال انا مولاهم
حبسوني و الدمع ا ناري
و نطل فبابي نلقاهم
الغربة و العشق ا ناري زوج حمال انا مولاهم
والجهد الشكوى نالباري لله
يعفيني من شر بلاهم
حرت على من نرمي عاري
ينصفني بالله دواهم ا ناري يا ناري

العنوان	الغربة والعشق الگادي
كلمات:	علي الحداني
الحان	محمد بلخياط
غناء	محمد الغاوي