كلمات ماتاقشي بيا

كلمات ماتاقشي بيا عبد الهادي بلخياط

آه ما تاقش بي،
وعلاش يكذبني واش ماعنده ثقة في
و انا يا ناس حبي واضح وباين
وضوح الشمس في نهار جميل
طاير بي، مسافر بي ما عارف لاين

حبه قدر حبه مكتوب ماشي بيدي
آه ماتاقش بي ودموع عيوني دليل
تحكي ما بي واش أنا قاسيت قليل
غرامه شردني غربني ويلي فين داني
تطويفة مطوفني شحال قتلني وشحال احياني
اذا كان الحق ها أنا قلته بقلبي ولساني
غادي نبقى نقوله ديما ونعاود تاني
حتي يهديه الله ويرفق ويحن علي
و انا يا ناس حبي واضح وباين
وضوح الشمس في نهار جميل
وعلاش يكذبني وعلاش؟

آه ما تاقش بي وهو عيني
هو قلبي هو روحي
لله قولو لي واش يمكن لي
نرضى نكذب على روحي؟
ما شاورنيش أنا قلبي ما شورنيش
قبل ما يعشق لوكان شاورني ما نبغيش
المخبي في القلب ها أنا كابرت وقلته
أصفى من صافي الله شاهد ما زورته
شكون سمعني أو فهمني أو اداها في
و انا يا ناس حبي واضح وباين
وضوح الشمس في نهار جميل
وعلاش يكذبني وعلاش؟